Yuxarı

Sizcə, mən bunu istəmərəm? - Qurbanov

Ana səhifə İdman
12 Punto 14 Punto 16 Punto 18 Punto

Böyük şansımız var. İstəkli komandaya qarşı oynayacağıq.

APA xəbər verir ki, bu sözləri "Qarabağ" klubunun baş məşqçisi Qurban Qurbanov deyib.

Ağdam təmsilçisi Çempionlar Liqasının (ÇL) III təsnifat mərhələsinin cavab oyunları çərçivəsində sabah "Viktoriya"nı qəbul edəcək.

Çexiyalılarla matçdan öncə mətbuat konfransı keçirən "Qarabağ"ın çalışdırıcısı bunları deyib: "İlk oyundan sonra rəqibi daha yaxış tanıyırıq. İnşallah, azarkeşlərimizin qarşısında daha istəkli "Qarabağ" görəcəksiz. Amma rəqibin bizə qarşı göstərəcəyi oyundan da çox şey asılı olacaq. Yeni baş məşqçiləri var, çox istəklidi. Onlar da, bizim kimi matçdan qalib ayrılmaq istəyirlər. Şanslarımız bərabərdi. Çalışacağıq ki, uğurlu nəticə əldə edərək, mərhələ adlayaq".

- "Qarabağ" əvvəlki oyununu göstərmir. "Viktoriya" ilə ilk matçda da bu, müşahidə olundu...

- Rəqibin gücünü hər bir oyunda nəzərə almalıyıq. Üstəlik, onların öz meydanlarında oynamalarına da fikir verməliydik. Bəzən müdafiədən oynayanda düşünürlər ki, müdafiə futbolu oynayırıq. Oyunu rəqibdən asılı qurursan. "Viktoriya" çox pressinq etdi. Matçdan sonra da demişdim ki, futbolçulardan razı qaldım. Çempionatdan sonra çıxıb Avrokubokda güclü rəqiblərə qarşı oynayırıq. Hər bir komanda istəyir ki, meydandan qalib ayrılsın. Nəzərə almaq lazımdı ki, biz yenə də işimizi bacardığımız qədər davam etdiririk. Belə turnirlərdə düzgün müdafiə çox önəmlidi.

- Afrikalı hücumçunun transfer məsələsi nə yerdədi?

- 3-4 variantımız var idi. Heç bir futbolçu ilə razılıq əldə olunmayıb. Bəli, həmin afrikalı ilə də maraqlanmışıq. Onunla kiçik razılıq əldə olunub. Amma təkcə bizim istəyimizdən asılı deyil. Gərək futbolçunun özü və hazırkı klubu da razılıq versin. Bəzi detallar var ki, həm bizim, həm də onlar üçün qanuni, düzgün olmalıdı.

- Sabah mübarizənin taleyini 90 dəqiqədə həll etməyi düşünürsüz, yoxsa əlavə vaxtla bağlı da planlar qurmusuz?

- İstərdim ki, 90 dəqiqə üstünlüyümüz şəraitində keçsin. Amma desəm ki, yalnız 90 dəqiqəni fikirləşirik, yalançı olaram. Əlavə vaxtı da düşünürük.

- Maksim Medvedev zədələnmişdi. Vəziyyəti nə yerdədi?

- Maksim srağagün fərdi, dünən komanda ilə birgə məşq etdi. Durumu normaldı. Həkimlər də Maksimin vəziyyətinin qaydasında olduğunu bildirdilər.

- Sabah Çexiyada şans verdəyiniz heyəti meydana buraxacaqsız?

Heyətdə ciddi dəyişiklik olmayacaq. Kiçik dəyişiklik ola bilər. Amma hələ qəti qərarımı verməmişəm.

- "Viktoriya" Çexiya çempionatının ilk turundakı oyununu izlədinizmi? Yoxsa buna ehtiyac görmədiniz?

"Viktoriya"nın çempionat görüşünü izlədim. Bəzi oyunçuları bizə qarşı az oynamışdılar, amma bu dəfə meydanda daha çox oldular.

- "Qarabağ"dan Çempionlar Liqasının (ÇL) qrupuna düşmək tələb olunur. Futbolçularınız da ÇL barədə düşünürlər, yoxsa ağıllarından Avroliqanın qrupuna düşmək keçir?

- Futbolçulardan hər dəfə nəsə tələb edəndə psixologiyalarına təsir edə bilərik. Biz daim çalışırıq ki, hansısa rəqibə qarşı oynayırıqsa, o rəqibi düzgün qəbul etsinlər, meydanda düşündüyümüz oyunu göstərsinlər. Çempionlar Liqasında kiçik şansımız varsa, ondan istifadə etməliyik. Avroliqanı düşünmürük. Bu turnirdən vidalaşsaq, Avroliqa barədə düşünə bilərik. Oyunlara tam köklənmək, gücümüzdən maksimum istifadə etmək hər birimizim üzərinə düşən vəzifədi.

- Sizə komandanın oyununa görə ünvanlanan tənqidlərlə razısızmı?

- Bizim işimiz nəticə verməkdi. Bunu etmək üçün çalışmalıyıq. Mən hər hansı yazıya, fikirə etirazımı bildirsəm, öz işimdə peşəkar olmaram. Bu, mənə aid olmayan sahədi.

- Futbolçularınızı qoruduğunuzu başa düşdük. Sizin üzərinizdə təzyiq varmı? Varsa sizi kim qorumalıdı?

- Mən də o fikirlərə reaksiya verməli deyiləm. Əlbəttə ki, məşqçi kimi özümü daim inamlı göstərməyə çalışıram. Futbolçularla təkcə kollektiv şəkildə yox, ayrı-ayrılıqda müzakirələr aparırıq. Təzyiq məndə daha çox olacaq. Amma büruzə verməməyə çalışıram. Təzyiq varsa, deməli, iş prinsipimiz doğrudu. Çalışırıq ki, bizdən tələb olunanları yaxşı yerinə yetirək.

- "Qarabağ" sindromu qırıb, Çempionlar Liqasının qrup mərhələsinə vəsiqə qazana biləcəkmi?

- Sizcə, mən istəmərəmmi bunu edək? Mən ÇL-in qrupuna düşməyi çox istəyirəm. Amma bunu təkcə mən yox, bütün komandalar istəyir. Bilirsiz ki, neçə il Avroliqanın pley-off mərhələsində iştirak etmişik. Güclü rəqiblərlə də mübarizə aparmağa çalışmışıq. ÇL-də kiçik imkanımız varsa, bundan istifadə etmək fikrindəyik. Biz təkcə özümüzü yox, qarşımızdakının da gücünü düşünməliyik. Biz kiməsə qarşı oynamaqdan qorxmuruq, çəkinmirik. Meydana çıxırıqsa, bacardığımız qədər istənilən rəqibə mübarizə göstərməliyik.

- Futbolçu olanda oyun günü səhər məşq edirdiniz. "Viktoriya" ilə səfər matçında da bunu reallaşdırdınız. Bunun komandanın fiziki hazırlığına təsiri oldumu?

- Hər məşqi keçəndə hansı yükləmələrin olacağını bilirik. Biz Çexiyaya gedəndə təxminən 8 saat yolda olmuşduq. Buna görə, oyun günü səhər saatlarına məşq salmışdım. Hansısa fiziki və ya psixoloji yorğunluqdan söhbət gedə bilməz. Nəzərə alın ki, matçdan əvvəl bizim komandanın isinməsi daha az oldu.

- Təlim-məşq toplanışı zamanı komandanın fiziki hazırlığının pik həddə çatmasını hansı vaxta hesablamısız?

- Kim indi desə ki, çempionata 100 faiz hazıram, mümkün olan şey deyil. Futbolçu 5-6 rəsmi oyun keçirəndən sonra hazır olur. Əgər arada hər hansı futbolçu zədə alırsa, onun performansı aşağı ola bilər. Amma dünya praktikasında da görmüşük ki, futbolçu oyuna-oyuna "artırır". Son Avropa çempionatında da elə oldu. Turnir təzə başlayanda deyirdilər ki, çempionat zəif keçir. Lakin sonra bu fikirlər dəyişdi.

- Vüqar Nadirovun transferi sizin istəyinizlə edilib?

- Sırf mənim düşüncəmə əsasən komandaya qaytarılıb. "Qarabağ"a təzə gəldiyim vaxt da onu "Karvan"dan götürmüşdük. Vüqarın klubsuz qalması bir məşqçi olaraq, mənə pis təsir etdi. Vüqar "Qarabağ"ın aparıcı oyunçusu idi. Buna görə, onun qayıtmasını istədim. İnşallah, komandaya faydalı olacaq. Yəqin ki, düz addım atmışam. Çox istəklə məşq edir. Özü də hər şeyi başa düşür.

Tarix
2016.08.01 / 21:50
Müəllif
Axar.az
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla