AFFA (Azərbaycan Futbol Federasiyaları Assosiasiyası) Türkiyənin “Bursaspor” klubunun Robert Prosineçkini baş məşqçi postuna təyin etməsinə izn verməyib.

Axar.az xəbər verir ki, bu barədə Türkiyə mətbuatı məlumat yayıb.

Xəbərdə “Bursaspor”un millimizin baş məşqçisi ilə 2,5 illik müqavilə üçün razılığa gəldiyi, lakin AFFA rəsmisinin “Prosineçkinin bizimlə ilin sonuna qədər müqaviləsi var”, - deyərək təklifi rədd etdiyi qeyd olunub.

Xatırladaq ki, “Bursaspor” klubu uzun müddətdir Hamza Hamzaoğlunun istefasından sonra boşalan yerə Azərbaycan futbol millisinin baş məşqçisi Robert Prosineçkini gətirmək üçün danışıqlar aparırdı.