Almaniya millisinin futbolçusu Tomas Müller İngiltərə ilə yoxlama oyunu və millimizlə DÇ-2018-in seçmə mərhələsi görüşü öncəsi açıqlama verib.

Qol.az-ın məlumatına görə, o, Almaniya Futbol Federasiyasına müsahibəsində hər iki matçın vacib olduğunu deyib:

"İngiltərə ilə yoxlama görüşünü evdə oynayacağıq. Bu matç millidə son oyununa çıxacaq Podolski üçün xüsusi önəm kəsb edəcək. Biz də bunu qeyd edəcəyik. Azərbaycanla qarşılaşma isə rəqabət xarakterli olacaq. Beləliklə, hər iki görüş çox önəmlidir. Hətta İngiltərə ilə oyun yoxlama xarakteri daşısa belə".

Qeyd edək ki, Almaniya millisi İngiltərə ilə martın 22-də Dortmundda, Azərbaycanla yığması ilə martın 26-da Bakıda üz-üzə gələcək.