Mart ayının 9-da Azərbaycan və Qətər milli yığmaları arasında keçirilən yoldaşlıq oyunun görüntüləri mətbuatdan gizli saxlanılırdı. Lakin AFFA-nın rəsmi Yutub kanalı bu gün sözügedən oyunun video görüntülərini yayıb.

AFFA-nın Mətbuat və ictimaiyyətlə əlaqələr departamentinin baş mütəxəssisi Törə Əhmədova Axar.az-a açıqlamasında deyib ki, buna səbəb qarşı tərəf olub.

“Qətər millisinin İran və Özbəkistan millisi ilə oyunları baş tutacaqdı. Buna görə də oyunun videosunun yayılmasına qarşı çıxdılar. Hazırda sözügedən oyunlar bitdiyi üçün bu video-material AFFA-ya göndərildi, bizsə bu gün sayta yerləşdirdik”, - T.Əhmədova bildirib.

Xatırladaq ki, may ayının 9-da baş tutan qarşılaşmada yığmamız Qətər millisini 2-1 hesabı ilə məğlub etmişdi.