Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Oktyabr 2017


Millət vəkili Ramilin qələbəsindən yazdı – Araşdırılsın!

Ana səhifə İdman
12 Punto 14 Punto 16 Punto 18 Punto

İdmançılar bizdən incik vəziyyətdə yola salınsalar da, Azərbaycan bayrağını kürəklərində daşımağı unutmurlar. Yəni kimdənsə inciyə bilərlər, ancaq Vətəndən, bayraqdan incimək kimi bir cılız duyğunu özlərinə yaxın buraxmadıqlarını göstərirlər.

Axar.az xəbər verir ki, bunu millət vəkili Fazil Mustafa azərbaycanlı idmançı Ramil Quliyevin yüngül atletika üzrə Londonda Türkiyə adına dünya çempionu olmasına münasibət bildirərkən deyib.

Deputat hesab edir ki, azərbaycanlı idmançıların xarici ölkələri təmsil edib, hətta uğur qazanması da olduqca sevindirici bir haldır:

“Riodakı Olimpiadada azərbaycanlı ağır atlet Nicat Rəhimovun Qazaxıstan adına çempion olmasının ardından yenə də azərbaycanlı idmançı Ramil Quliyevin yüngül atletikada Londonda Türkiyə adına dünya çempionu olmasına ürəkdən sevindik. İlk dəfədir ki, millətimizin təmsilçisi yüngül atletikada bu cür uğurlu nəticə göstərir.

Ən mühümü isə Azərbaycana olmasa da, qızıl medalı Osmanlı təbirincə desək gavura deyil, Qazaxıstan və Türkiyə kimi qardaş türk dövlətlərinə qazandırırlar. Yeri gəlmişkən deyim ki, bu uğur qazanan idmançılar olduğundan, onların hansı səbəbdən Azərbaycan bayrağı altında çıxış etməkdən uzaqlaşdırılması diqqət mərkəzinə gəlir”.

Millət vəkili hesab edir ki, idmançıların başqa dövlətlər adına çıxış etməyə məcbur qalmasının bütün detalları ciddi araşdırmalıdır:

“Kimlərdir axı bilərəkdən bu cür hazırlıqlı idmançıları ölkəmizdən uzaqlaşdıranlar? Kimsə bu əmələ görə cəza alacaqmı? Digər tərəfdən bir həqiqət təkrar olaraq təsdiqini tapdı ki, Azərbaycan övladı olimpiya çempionu da, dünya çempionu da olmağa qadirdir. O halda idmanın müxtəlif növlərində xaricdən mənasız yerə bu qədər "köçəri quşları" gətirib ciblərini pulla doldururuq, əvəzində olmazmı ki, bir il tez, bir il gec olsun, pulu da, imkanı da, enerjimizi də öz dosdoğma azərbaycanlımıza sərf edək və onların uğur qazanmasına nail olaq? Hələ sonradan üstü açılan dopinqə görə medalı əlindən alınmış idmançılara xərclədiyimiz pula, verilən hədiyyələrə heyfslənməyimizi demirəm. Bir qisminin yaxasından da yapışmaq artıq gecdir. Ona görə də, idmanın bütün növlərində strategiyamız Azərbaycanlı idmançıları çempion və ya mükafatçı kimi yetişdirmək üzərində qurulmalıdır”.

Tarix
2017.08.12 / 13:15
Müəllif
Nigar İxtiyarqızı
Şərhlər
loading...
Digər xəbərlər

“Atletiko”nun baş məşqçisi: Azərbaycanlılardan üzr istəyirəm

Qurban Qurbanovun “Atletiko” planı: Qərar...

Simeone ad gününü səhərə qədər... - Hafka

"Atletiko" Bakıda - Foto

Millimiz Bolqarıstana qalib gəldi

Arpadarai: Bunu təkcə Bakı yox, bütün dünyada...

Mədət Quliyev və Anar Ələkbərov bu tədbirdə - Foto

Futbol dünyası yasda: Zədə alan qapıçı öldü - Video

"Neftçi" “Səbail”i darmadağın etdi

“Qarabağ”ın oyununa 35 min bilet satıldı

KULT
<>
Xəbər xətti
 
SORĞU
Ermənilərin Qarabağı sülh yolu ilə azad edəcəyinə inanırsınızmı?
  
  
  
  
Axar.az'da reklam Bağla
Reklam
Bize yazin Bağla