Xocasəndə yerləşən “Şito-Ryu Karate Do” klubunda texniki-psixoloji seminar keçirilib.

Axar.az xəbər verir ki, seminar zamanı klubun rəhbəri 7-ci Dan qara kəmər sahibi Qaffari Cəfər azyaşlı karateçilərə bu idman faydalarından danışıb. Azyaşlılara daim bu idman növünün incəliklərini çatdıran karate ustası öz fəaliyyəti haqda məlumat verib:

“Klubumun balaca üzvləri: Kərimzadə Baştürk, Əliyev Ayxan azyaşlılar arasında keçirilən yarışda 1-ci yeri tutaraq dünya çempionu olublar. 2-ci yerə də Telman Əliyev layiq görülüb. 1997-ci ildən karate ilə məşğul oluram və Azərbaycanda Şito-ryu karate-donun inkişafında böyük rolum olub. 2001-ci ildə nəşr olunan “Şito-Ryu Karate Do və döyüş növlərində zen” kitabından sonra yaxın gələcəkdə yeni kitabını çapa verməyə hazırlaşıram. Bu günə qədər klubum çox uğurlar əldə edib. Yetirmələrimin uğurunu görmək mənim üçün fəxrdir. Düzdür, onların bəziləri sonralar məni unudurlar. Aralarında vəfalı yetirmələrim də var”, - Qaffari deyib.