2022-ci il Dünya Çempionatı turnirinə ev sahibliyi edə bilmək üçün neftlə zəngin ölkə olan Qətərin 5 milyon dollar rüşvət verdiyi iddia edilir.

Axar.az xəbər verir ki, bu barədə İngiltərə "The Sunday Times" qəzetinin dünya kuboku ilə bağlı verdiyi məlumatda Beynəlxalq Futbol Federasiyaları Birliyi (FIFA) rəhbərinin qatarlı sabiq müavini Məhəmməd bin Hammam ölkəsinin turnirə ev sahibliyi edə bilməsi üçün səsvermədə bilvasitə təsiri olan afrikalı onlarla ali səviyyəli səlahiyyətlilərə rüşvət verdiyi bildirilib.

Hammamın vəzifəsindən sui-istifadə edən bir FIFA səlahiyyətlisinin davam edən davasının bütün xərclərini boynuna götürdüyü də ortaya atılıb.

Qeyd edək ki, sabiq rəhbər müavininin beynəlxalq təşkilatın 2011-ci ildə təşkil edilən prezident seçkilərini də qazanmaq üçün də rüşvət verdiyinin ortaya çıxmasından sonra vəzifədən kənarlaşdırılmışdı.