Yuxarı

Həmin oyunu gözləyirəm - Prosineçki

Ana səhifə İdman
12 Punto 14 Punto 16 Punto 18 Punto

Norveç millisi ilə hazırlığa vaxtımız az oldu. Azərbaycan çempionatının oyunları da davam edir. Bu, bizim üçün ilk deyil, futbolda belə hallar olur.

Axar.az xəbər verir ki, bu sözləri futbol üzrə dünya çempionatının seçmə mərhələsi çərçivəsində Norveç millisinin qonağı olacaq Azərbaycan yığmasının baş məşqçisi Robert Prosineçki avqustun 31-də təşkil edilən mətbuat konfransında deyib.

Son iki oyunda Norveçə qarşı inamlı oynadıqlarını vurğulayan xorvatiyalı baş məşqçi deyib: “Səfərdə millimiz Norveç yığması ilə heç-heçə etdi. Bakıda isə rəqibi məğlub etdik. Rəqib komandada baş məşqçi dəyişikliyi olub. Norveç millisi revanş qazanmaq istəyəcək. Rəqibin Çexiya ilə oyununu analiz etmişik və onlar güclü təsir bağışlayırlar. Azarkeşləri maraqlı oyun gözləyir”.

Robert Prosineçki bildirib ki, dünya çempionatının seçmə mərhələsi çərçivəsində Şimali İrlandiya ilə qarşılaşmada futbolçuların oyunundan razı qaldım. Ancaq nəticə xeyrimizə olmadı. Sabah da futbolçulardan həmin oyunu gözləyirəm. Komandada ab-hava yüksəkdir. Mən komandama inanıram.

“Azərbaycan millisinə rəhbərlik etdiyim vaxtdan Namiq Ələsgərov yığmaya dəvət olunur. O, öz istedadı ilə digərlərindən fərqlənir. Şimali İrlandiya ilə oyunda Namiq son 15 dəqiqədə meydana daxil oldu və gözəl oyun nümayiş etdirdi. Renat Dadaşova gəldikdə, o, Almaniyanın “Ayntraxt” klubunun U-19 komandasında çıxış edir. Ümid edirəm ki, o da Azərbaycan millisində özünü nümayiş etdirmək üçün şans əldə edəcək. Ancaq hazırda onun əsas heyətdə yer alacağını düşünmürəm”, - deyə baş məşqçi əlavə edib.

Hazırda fikrinin Norveç və bir neçə gün sonra Bakıda təşkil olunacaq San-Marino millilərinə qarşı oyunlara yönəldiyini diqqətə çatdıran Robert Prosineçki sabah təşkil olunacaq görüş üçün əsas heyətdə iki dəyişiklik etdiyini bildirib. Qeyd edib ki, Şimali İrlandiya ilə oyundakı heyətə Namiq Ələsgərov və Mahir Mədətov əlavə olunub. Onlar Ramil Şeydayevi və Əfran İsmayılovu əvəzləyəcəklər.

Millimizin üzvü Bədavi Hüseynov oyuna ciddi hazırlaşdıqlarını vurğulayaraq deyib: “Rəqibimiz çox güclüdür. Onların oyunlarını təhlil etmişik və məşqçilər korpusu tərəfindən müəyyən tapşırıqlar almışıq. Biz də əzmkarlıq nümayiş etdirərək qələbə qazanıb azarkeşlərimizi sevindirməyə çalışacağıq.

Mətbuat konfransından sonra Norveç-Azərbaycan oyununun keçiriləcəyi Oslodakı “Ullevaal” stadionunda millimizin açıq məşqi təşkil olunub.

Matç sentyabrın 1-də Bakı vaxtı ilə saat 22:45-də başlayacaq.

Tarix
2017.09.01 / 01:47
Müəllif
Axar.az
Şərhlər
Digər xəbərlər

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

Bu, Fransanı ciddi narahat edir - Nağıyev

Fransa İrəvanı yeni müharibəyə təhrik edir - DTX rəisi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla