Ana səhifə İdman |
“Qarabağ” futbol komandası klubun avrokuboklarda oyunu zamanı media mənsubları üçün mövsümlük akkreditasiya qeydiyyatını elan edib.
Axar.az xəbər verir ki, “Qarabağ” klubu oyuna akkreditasiyanı yalnız Peşəkar Futbol Liqasında (PFL) qeydiyyatdan keçmiş kütləvi informasiya vasitələrinin ala biləcəyi barədə xəbərdarlıq edib.
Akkreditasiya qeydiyyatından keçmək istəyən media mənsubları aşağıdakı şərtləri yerinə yetirməlidir:
1. Qeydiyyatdan keçmək üçün sentyabrın 21-i saat 18:00-a qədər PFL-dəki qeydiyyat vəsiqəsi və şəxsi fotosunu (həcmi 0.5 MB-dən az olmayan) [email protected] elektron adresinə göndərilməsi xahiş olunur. Göndərdikləri zaman yazılı mətbuatdırsa, qarşısına PRESS, fotoqrafdırsa FOTO, televiziya əməkdaşıdırsa TV yazmağı rica olunur.
2. PFL qeydiyyatı olmayan fotoqraflar isə “FOTO” akkreditəsi əldə etmək üçün iş vəsiqəsi və şəxsi fotosunu göndərməlidir.
3. Hər bir KİV-dən maksimum 2 (1 PRESS (TV) + 1 FOTO) nəfər qeydiyyatdan keçə bilər.
4. Göndərdiyiniz emaildən təsdiq cavabı aldıqdan sonra akkreditasiyadan keçmiş sayılırsınız.
Qeyd edək ki, qeydiyyat zamanı yerlərin məhdud olduğunu nəzərə alaraq, 2016-17-ci illər mövsümü üçün PFL-dən qeydiyyatdan keçən media mənsublarına üstünlük veriləcək.
Tarix
2017.09.18 / 17:33
|
Müəllif
Nərmin Əkbərli
|