2017.09.19, 16:49

Oğurluğa görə saxlanılan futbolçu Nicat Muxtarov azad olunub.

Axar.az xəbər verir ki, bu haqda Futbol+ qəzetinin baş redaktoru Mahir Rüstəmli məlumat yayıb.

Qeyd edək ki, millimizin sabiq üzvü Nicat Muxtarovun kabel oğurluğu ittihamı ilə Sumqayıt polisi tərəfindən şübhəli şəxs qismində saxlanılmışdı.

23:59

Oğurluğa görə saxlanılan "Sumqayıt"ın futbolçusu Nicat Muxtarov barəsində həbs qətimkan tədbiri seçilib.

Lent.az-ın məlumatına görə, Sumqayıt şəhər Məhkəməsində hakim Vladimir Ruvinovun sədrliyi ilə keçirilən prosesdə istintaq orqanın təqdimatına baxılıb.

Təqdimat təmin edilib və Sumqayıtda 695 metr hava rabitə kabelini oğurlamaqda təqsirləndirilən şəxslər - Nicat Muxtarov, Ümidvar Adıgözəlov, Aqşin Mehdiyev və Nurlan Paşayev barəsində 3 aylıq həbs qətimkan tədbiri seçilib.

Qeyd edək ki, bu gün futbolçu Nicat Muxtarovun sərbəst buraxılması haqda xəbərlər yayılsa da, daha sonra Daxili İşlər Nazirliyinin mətbuat xidməti bunu təkzib edib.

***

“Sumqayıt” klubunun oğurluğa görə həbs edilmiş futbolçusu Nicat Muxtarov istintaq təcridxanasına köçürülüb.

Report-un məlumatına görə, futbolçu 3 saylı İstintaq Təcridxanasına etab edilib.

Məlumatda bildirilir ki, ötən gün Sumqayıt Şəhər Məhkəməsində onun barəsində üç aylıq həbs qətimkan tədbiri seçilib. Məhkəmədə N.Muxtarov əməlindən peşman olduğunu söyləyib.

Qeyd edək ki, N.Muxtarov sentyabrın 9-da və 15-də Sumqayıt telekommunikasiya qovşağına məxsus ümumilikdə 695 metr hava rabitə kabelinin kəsilərək oğurlamaqda şübhəli bilinən mütəşəkkil qrupun tərkibində tutulub.