Fransanın PSJ futbol klubunun baş məşqçisi Unay Emerinin qərarı ilə “Barselona”dan rekord qiymətə transfer olunan braziliyalı Neymar heyətdən kənarlaşdırılıb.

Axar.az xəbər verir ki, Neymarın adı sabah oynanılacaq “Monpelye” ilə matçın iştirak ərizəsinə salınmayıb.

PSJ-nin baş məşqçisi Unay Emeri Edinson Kavani və Neymar arasında yaşanan problemə son qoyub. “Lion”la oyunda aralarında mübahisə yaranan Kavani və Neymar ətrafında qalmaqalın böyüməsi baş məşqçi Emerini tədbir görməyə vadar edib. 222 milyon avroluq rekord transfer Neymar heyətdən uzaqlaşdırılıb.

Qeyd edək ki, 2 futbolçu arasında 11 metrlik cərimə zərbəsini yerinə yetirməklə bağlı mübahisə yaranmışdı.