Ana səhifə İdman |
2017.10.12. 15:15
Liberiya prezident seçkilərində indiyə qədər olan nəticələrə görə məşhur futbol ulduzu Corc Vea liderdir.
Axar.az BBC-yə istinadən xəbər verir ki, Liberiyanın Milli Seçki Komissiyası səslərin hesablanmasının davam etdiyini və namizədin qalib olması üçün 50 faizdən yuxarı səs toplamalı olduğunu bildiriblər. Əks təqdirdə seçkilərin ikinci mərhələsi noyabrda keçiriləcək.
Qeyd edək ki, ilkin nəticələrə görə, dünən “Arsenal” futbol klubunun meneceri Arsen Venger səhvən Veanın seçkilərdə qalib gəldiyini və jurnalistlərə müsahibəsində, “Liberiyanın prezidenti seçilmiş Corc Veanı təbrik edirəm. Keçmiş futbolçunun prezident seçilməsi hər kəsə nəsib olmur”, - bildirmişdi.
Bunun ardınca isə dünya mediası Veanı vaxtından əvvəl qalib elan etmişdi.
2005-ci ildəki seçkidə Vea o zamankı prezident Elen Conson Selifə məğlub olmuşdu. O, həmin seçkidə 40% səs toplamağı bacarmışdı.
Vea bir çox məşhur klublarda oynayıb, 1995-ci ildə isə “Qızıl top” mükafatının sahibi olub.
Tarix
2017.10.13 / 13:20
|
Müəllif
İlkin, Aida
|