Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda “Tai çi çuan” - ənənəvi Çin döyüş sənəti və müxtəlif sağlamlıq gimnastikası üzrə master-klass keçirilib.

Axar.az xəbər verir ki, açılış nitqi ilə çıxış edən Konfutsi İnstitutunun direktoru, professor Rafiq Abbasov konfutsilik fəlsəfəsi, təbiət qanunlarına əsaslanan “Tai çi çuan” sənətinin ortaya çıxması tarixindən və insanın özünün inkişafın unikal bir sistemi olmasından bəhs edib.

Məşhur çinli Li Çanqyonq “zəiflərin güclü üzərində üstün olduğu zaman” bu döyüş sənətinin əsas prinsipi olan “Tai Çi” texnikasının xüsusiyyətlərindən danışıb.

Çindən gələn müəllim tamaşaçılara “Tai çi çuan”ın fərdi üslub və formalarını nümayiş etdirib. Sonda ADU-nun tələbələri “Tai çi çuan”ın ayrı-ayrı fəndləri və sağlamlıq gimnastikasının əsas hərəkətlərini öyrənib.