"Qəbələ"nin hücumçusu Ruslan Qurbanov Topaz Premyer Liqanın 10-cu turunda "Zirə"yə 1:2 hesablı məğlubiyyətdən sonra Qol.az-a açıqlama verib.

Axar.az xəbər verir ki, R.Qurbanov "Zirə"nin bütün zonaları bağladığını, Cavid Hüseynovun da qırmızı vərəqə almasının gedişatı dəyişdiyini bildirib.

Hakimlik barədə də danışan Qurbanov bildirib ki, hakimin qərarlarına şərh vermək istəmir. "Sadəcə, onu deyim ki, Cavidə qırmızı vərəqə vermişdisə, gərək bənzər epizodda Təmkini də meydandan qovardı. Hakimin oyuna müdaxiləsi öz təsirini göstərdi. Amma bütün günahı hakimin üstünə atmaq da olmaz. O da insandır. Səhv edə bilər", - o deyib.