Bakı Olimpiya Stadionunda AFFA-nın İcraiyyə Komitəsinin iclası zamanı “Qarabağ” futbol klubunun baş məşqçisi Qurban Qurbanov Azərbaycanın futbol üzrə milli komandasına baş məşqçi təyin olunub.

Axar.az Sportlayf.az-a istinadən xəbər verir ki, Qurbanov təyinatdan əvvəl AFFA prezidenti Rövnəq Abdullayevlə görüşü zamanı bir neçə şərtinin olduğunu və bu şərtlərə əməl olunacağı təqdirdə təklifi qəbul edə biləcəyini bildirib. Şərtlərdən biri də Azərbaycanın əsas və aşağı yaş milli komandalarına nəzarətin şəxsən özünə verilməsi olub. Abdullayev "Qarabağ"ın uğurlarının memarı olan Qurbanovun bütün şərtləri ilə razılaşdığını və onun üçün ən yüksək şəraitin yaradılacağına söz verib.

Qeyd edək ki, buna qədər Azərbaycan milli komandaların nəzarət AFFA-nın baş katibi Elxan Məmmədovin əlində idi.