Hər şey yaxşılığa doğru gedir. Heç bir problemimiz yoxdur. Komandanın uğuru üçün lazım olan startegiyanı qısa zaman kəsiyində müəyyənləşdirəcəyik və hər şeyi yoluna qoyacağıq. “Keşlə”ni “İnter”in əvvəlki durumuna gətirəcəyik.

Axar.az-ın xəbərinə görə, bu sözləri “Keşlə”nin yeni təyin olunan baş məşqçisi Ramiz Məmmədov geniş müsahibəsində söyləyib.

Klubun çalışdırıcısı qol.az-a deyib ki, artıq maddi vəziyyət düzəlib: “Maaşlar ödənilib. Bir ay, yarım ayın pulları qalıb ki, bu da futbolda normal şeylərdir. Rəhbərlik qısa zamanda yüksək səviyyədə maaş məsələsini həll edib”.

R.Məmmədovun sözlərinə görə, ona 3 çempionat və 1 kubok oyunundan çıxmaq lazımdır: “Ondan sonra transfer haqda danışarıq. Hələ çox var. Zaur Axundov tərəfindən qarşıma qoyulan vəzifə odur ki, komandanı hazırkı vəziyyətdən çıxarım. Sonrasını mən bilə bilmərəm”.