FİFA-nın yeni prezidenti Canni İnfantino ilk dəfə Azərbaycana səfər edəcək.

Axar.az AFFA-nın rəsmi saytına istinadən xəbər verir ki, ali futbol qurumunun rəhbəri noyabrın 21-də Bakıda FİFA İcraedici Futbol Sammitinə qatılacaq.

Tədbirdə FIFA-nın baş katibi Fatma Samura, Azərbaycana yaxın regionda yerləşən ölkələrin futbol federasiyalarının, həmçinin FİFA üzvü olan müxtəlif konfederasiyaların tərkibindəki milli assosiasiyaların rəhbər şəxsləri iştirak edəcək. Sammit iştirakçılarının siyahısına Əfqanıstan, Tacikistan, Türkmənistan, Benin, Çad, Cibuti, Özbəkistan, Belarus, Gürcüstan, Qazaxıstan, Latviya, Moldova, Ukrayna və Rusiya futbol federasiyaları daxildir.