Ana səhifə İdman |
Futbol üzrə Azərbaycan kuboku yarışında daha bir yarımfinalçı müəyyənləşib.
Axar.az xəbər verir ki, günün ikinci qarşılaşmasında “Bakcell Arena”da “Zirə” ilə üz-üzə gələn “Neftçi” dörddəbir finaldakı rəqibini mübarizədən kənarlaşdırıb.
“Zirə” ilə səfər oyununda qapısından bir cavabsız qol buraxaraq məğlub olan “Neftçi” cavab görüşündə rəqibindən 2:0 hesabı ilə üstün olaraq iki oyunun nəticəsinə görə növbəti mərhələyə yüksəlib.
Tərlan Əhmədovun rəhbərlik etdiyi komandanın heyətində qolları 36-cı dəqiqədə Uqo Barqas, 45-ci dəqiqədə isə Mirabdulla Abbasov vurublar.
Qeyd edək ki, aprelin 11-də və 18-də keçiriləcək yarımfinal mərhələsində paytaxt təmsilçisi “Qəbələ” – “Səbail” qarşılaşmasının qalibi ilə oynayacaq.
Xatırladaq ki, Azərbaycan kuboku uğrunda yarışlarda günün ilk yarımfinal oyununda Bakının “Keşlə” klubu Gəncənin “Kəpəz” komandasını məğlub edərək yarımfinala adlayıb.
Tarix
2017.12.14 / 21:33
|
Müəllif
Axar.az
|