“Forbes” jurnalı dünyanın ən zəngin idmançılarının reytinqini açıqlayıb.

Axar.az xəbər verir ki, jurnal tərtib etdiyi yeni reytinqdə 25 idmançının adını yerləşdirib.

Bütün zamanların ən zəngin idmançılarının reytinqinə amerikalı əfsanəvi basketbolçu Maykl Cordan başçılıq edib. O, karyerası ərzində 1,85 milyard dollar qazanıb.

İkinci və üçüncü yerdə qolfçular - 1,7 milyard dollarla Tayqer Vuds və 1,4 milyard dollarla Arnold Palmer qərarlaşıb. Sonrakı yerləri 1,2 milyard dollarla qolfçu Cek Niklaus, 1 milyard dollarla Formula-1-in iştirakçısı Mixael Şumaxer, 815 milyon dollarla amerikalı qolfçu Fil Mikelson tutub.

7-ci və 8-ci yerləri isə cüzi fərqlə amerikalı basketbolçu Kobe Brayant və ingilis futbolçu Devid Bekhem paylaşıb. Onların hər ikisinin sərvəti 800 milyon dollar olsa da, jurnal cüzi fərqlə Brayantın öndə olduğunu bildirib. İlk onluğu 785 milyonla amerikalı boksçu Floyd Meyveze və 735 milyon dollarla amerikalı basketbolçu Şakil Onil qapadıb.

Siyahıda hazırda kariyeralarını davam etdirən məşhur futbolçular da yer alıb. Onların sırasında Kristian Ronaldo və Lionel Messi yer alıb. Ronaldo 725 milyonla siyahıda 12-ci yeri, Messi isə 600 milyonla 16-cı yeri tutub.