Rusiya Prezidenti Vladimir Putin Cənubi Koreyada keçirilən Qış Olimpiya Oyunlarında çempion olan buzüstü xokkey üzrə Rusiya millisini təbrik edib.

Axar.az xəbər verir ki, bu barədə Kremlin rəsmi saytında məlumat yerləşdirilib.

Putin Rusiya millisinin qələbəyə gedən yolunun heç də asan olmadığını və millinin digər komandalara qarşı əsl qətiyyət və mübarizə əzmi göstərdiyini bildirib. Ölkə başçısı yüksək keyfiyyətlərinin Rusiya millisini digərlərindən fərqləndirdiyini və onları qələbəyə apardığını qeyd edib.

Xatırladaq ki, Rusiya millisi finalda Almaniyanı 4:3 hesabı ilə məğlub edərək Olimpiya çempionu adını qazanıb.