Ana səhifə İdman |
Yunanıstan Super liqasının 25-ci həftəsində PAOK-AEK qarşılaşmasında qalmaqallı hadisə yaşanıb.
Axar.az xəbər verir ki, ev sahibi komandanın 90-cı dəqiqədə vurduğu qol sayılmadığı üçün klubun prezidenti İvan Savvidis silahla meydançaya daxil olub.
Məlumata görə, oyun öncəsi AEK 54 xalla zirvədə, PAOK isə 52 xalla üçüncü pillədə qərarlaşıb. 90-cı dəqiqədə gələn qələbə topu ilə zirvəni ələ keçirən PAOK-un qolu sayılmadıqdan sonra hakimlər bir müddət epizodu öz aralarında müzakirə edib. Bu zaman tribunalarda gərginlik yaşanıb. Meydançaya enən PAOK prezidenti hakimi “Hakim, sən öldün” deyərək təhdid edib.
Hakim oyunu dayandıraraq soyunub-geyinmə otağına gedib. Saatlar sonra qol hesaba alınıb və oyunun 1-0 hesabı ilə davam edərkən təxirə salındığı bildirilib.
Faktla bağlı Yunanıstan Futbol Federasiyasının qərarı gözlənilir.
Tarix
2018.03.12 / 13:47
|
Müəllif
Orxan Tağıyev
|