Ana səhifə İdman |
Böyük Britaniya parlamentinin üzvü Kris Brayant “Mançester Yunayted” klubunun baş məşqçisi Joze Mourinyonun 2018-ci il dünya çempionatı vaxtı Rusiyanın RT telekanalı ilə əməkdaşlıq etmək qərarını tənqid edib.
Axar.az xəbər verir ki, bu barədə Rusiya mətbuatı yazıb.
“Fikrimcə, bu, birbaşa olaraq Rusiya xəzinəsindən ödəniləcək qanlı pullardır”, - Brayant bildirib.
Mourinyonun qərarına həmçinin Leyboristlər Partiyasından olan deputat Stiven Dauti də münasibət bildirib:
“Söhbət sadəcə parlament üzvlərindən getmir. İdman ictimaiyyətindən tanınmış simalar və şərhçilər də Putinin təbliğat maşını ilə əlaqədə olmaq istəyib-istəmədikləri barədə diqqətlə düşünməlidirlər. Kremlin sifarişlərini qəbul edən RT dürüst görünməyə çalışaraq, tamaşaçıları aldadır”.
Qeyd edək ki, “Mançester Yunayted” klubunun baş məşqçisi Joze Mourinyo RT (Russian Today) telekanalı ilə 2018-ci il dünya çempionatı oyunlarında şərhçilik etmək barədə razılıq əldə edib. Mourinyo 5 gün ərzində RT-dən xidmət haqqı kimi bir milyon funta yaxın pul alacaq.
Tarix
2018.03.14 / 18:01
|
Müəllif
Orxan Tağıyev
|