Ana səhifə İdman |
Martın 23-də Bakıda Azərbaycan, 27-də isə Lyublyanada Sloveniya millisi ilə yoldaşlıq oyunları keçirəcək Belarus millisinin baş məşqçisi İqor Kriuşenko sınaq matçları öncəsi mətbuat konfransı keçirib.
Qol.az-ın yaydığı xəbərə görə, yerli jurnalistlərin suallarını cavablandıran mütəxəssis qarşıdakı yoxlama oyunlarındakı rəqiblərini müqayisə edib.
O, Sloveniyanın millimizdən ustalıq səviyyəsi baxımından daha yaxşı komanda olduğunu bildirib: “Azərbaycan Millətlər Liqasında qrupdan çıxmaq uğrunda qarşılaşacağımız komandalara bənzəyir. Kifayət qədər sürətli, texnikalı yığmadır. Topa nəzarət etməyə çalşırlar. Hətta heyətində milliləşdirilmiş braziliyalı (Riçard Almeydanı nəzərdə tutur – red.) çıxış edir. Sloveniya isə Azərbaycandan daha səviyyəli komandadır. Avropanın güclü yığmalarından biridir. Biz də hazırda bu səviyyəyə çatmağa çalışmalıyıq”.
Qeyd edək ki, Bakı Olimpiya stadionunda keçiriləcək Azərbaycan - Belarus oyunu saat 20:00-da başlayacaq.
Tarix
2018.03.19 / 22:13
|
Müəllif
Axar.az
|