Türkiyə kuboku uğrunda keçirilən yarımfinal görüşü təxirə salınıb.

Axar.az xəbər verir ki, yarımfinal görüşündə "Fənərbaxça" öz meydanında "Beşiktaş"ı qəbul edib. Görüşün ilk hissəsində qonaq komandanın müdafiəçisi Pepe qırmızı vərəqə ilə oyunu tərk edib. İkinci hissə də gərgin mübarizə şəraitində keçib. Matçın gedişatında qonaqların qapıçısı Tolqa Zənginlə ev sahibi komadanın azarkeşləri arasında mübahisə yaşanıb. Mübahisəyə müdaxilə etmək istəyən "Beşiktaş"ın baş məşqçisi Şenol Günəşin başına yad əşya atılıb. Nəticədə Günəş başından yaralanıb və onun başına tikiş atılıb.

Bundan sonra gərginlik daha da artıb. "Beşiktaş" oyunçuları meydanı tərk ediblər. Görüşün baş hakimi matçın təxirə salındığını bildirib.