Azərbaycan milli komandasının futbolçusu Ramil Şeydayev müqavilə üzrə məxsus olduğu Türkiyənin "Trabzonspor" klubuna qayıdıb. Gənc və istedadlı hücumçu klubun 2018-2019 mövsümü üçün ilk məşqində iştirak edib.

Bununla bağlı Şeydayevin Axar.az-a eksklüziv müsahibəsini təqdim edirik:

– “Qarabağ” klubunda kirayə sözləşməsi ilə fəaliyyət göstərirdiniz. Anlaşmanı niyə uzatmadınız?

– Sadəcə olaraq kirayə müddəti bitdi və mən öz klubuma geri qayıtdım. Xüsusi heç nə baş vermədi.

– Türkiyədə şərəfini qoruduğunuz “Trabsonspor” klubundakı fəaliyyətiniz size qane edirmi?

– Yox, etmir. Türkiyədəki fəaliyyətim məni heç bir halda qane etmir.

– Azərbaycan milli komandasını seçnəyinizə peşman deyilsiz ki?

–Qətiyyən. Milli komandamıza keçdiyimə görə çox xoşbəxtəm.

– “Qarabağ”dakı Qurban Qurbanovla millidəki Qurban Qurbanovun fərqi nədədir?

– Sözün düzü, bu suala necə cavab verəcəyimi bilmirəm. Heç bilmirəm klubdakı məşqçiliyə ilə millidəki məşqçiliyinin fərqi nədədir.

– “Mattesburq” klubundan təklif aldığınız doğrudur? Kariyeranızı harda davam etdirməyi planlayırsınız?

– İnanın ki, yaxın gələcəkdə hansı klubda oynayacağımı özüm də bilmirəm.