Ana səhifə İdman |
Azərbaycan millisinin hücumçusu Ramil Şeydayevin gələcək taleyi qeyri-müəyyən olaraq qalır.
APA-nın məlumatına görə, “Mattersburq” “transfer pəncərəsi”nin son gününə qədər ondan xəbər gözləyəcək.
Komandanın baş məşqçisi Gerald Baumqartner “Trabzonspor”un forvardından vaz keçmədiklərini söyləyib. Lakin 54 yaşlı mütəxəssis vəziyyətin çətinləşdiyini etiraf edib: "Türkiyə klubundakı dəyişikliklər Şeydayevin transferinə təsir etdi. Onun keçidi ilk vaxtlar nisbətən asan görünürdü. Lakin “Trabzonspor” klubunda prezident və baş məşqçi dəyişikliyi planlarımızı pozdu. Yeni baş məşqçiləri hələ də onun gedişinə razılıq verməyib. Bizim gözləmə mövqeyi tutmaqdan başqa əlimizdən bir şey gəlmir”.
Qeyd edək ki, ötən mövsümü icarə əsasında “Qarabağ”da keçirən Ramil Şeydayev hazırda müqavilə ilə məxsus olduğu “Trabzonspor”un Sloveniya toplanışında iştirak edir. Baş məşqçi Ünal Karaman onunla bağlı qərarı hazırlıqdan sonra verəcəyini bildirib.
Tarix
2018.07.14 / 00:08
|
Müəllif
Axar.az
|