2018.08.07 - 20:10

Bu gün Çempionlar Liqasının 3-cü təsnifat mərhələsi başlayır.

Axar.az xəbər verir ki, Çempionlar Liqasında ölkəmizi təmsil edən “Qarabağ” da ilk oyununa çıxacaq.

Qurban Qurbanovun komandası Belarusun BATE klubunu qəbul edəcək. Tofiq Bəhramov adına Respublika stadionunda keçiriləcək qarşılaşma saat 21:00-da start götürəcək.

***

Futbol üzrə UEFA Çempionlar Liqasının üçüncü təsnifat mərhələsinin saat 21:00-da başlayacaq ilk matçında qarşılaşacaq “Qarabağ”–BATE görüşü üçün start heyətlər açıqlanıb.

“Qarabağ”ın start heyətində Hannes Haldorsson, Qara Qarayev, Maksim Medvedev, Simeon Slavçev, İnnosent Emeqara, Miçel, Con Delarj, Rəşad Sadıqov, Abdella Zubir, Bədavi Hüseynov, Donald Gerye alıblar.

BATE-nin ilk onbirliyində isə meydana Denis Şerbirski, Aleksandr Fikipoviç, Yevgeniy Yablonski, Stanislav Draqun, Mirko İvaniç, Nikolay Siqneviç, Aleksey Rios, Yeqor Filipenko, İqor Staseviç, Dmitri Baqa, Maksim Volqko çıxacaqlar.

Oyunu isveçli hakimlər briqadası idarə edir. Görüşün baş hakimi Andreas Ekberqindir. Ona Mehmet Kulum və Stefan Hallberq kömək edirlər. Dördüncü hakim funksiyasını isə Kristofer Karlsson yerinə yetirir.

“Qarabağ”-BATE qarşılaşmasının qalibi pley-off mərhələsində Hollandiyanın “PSV Eyndhoven” komandası ilə üz-üzə gələcək. Mübarizəni dayandıran klub isə UEFA Avropa Liqasının pley-off mərhələsində “Şerif” (Moldova)–“Valur” (İslandiya) oyununun qalibi ilə görüşəcək.

***

"Qarabağ" BATE-yə qarşı mübarizəyə başladı.

***

BATE matçın 36-cı dəqiqəsində Draqunun qolu ilə hesabı açdı: 1-0.

***

"Qarabağ" BATE-yə 1-0 məğlub oldu. Cavab görüşü bir həftə sonra Borisovda keçiriləcək.