Ana səhifə İdman |
“İstiqlal” və “Perspolis” klubları üçün əsaslı işlər görülüb. Bu klubların gələcək iki ildə heç bir maliyyə sıxıntısı olmayacaq.
Axar.az xəbər verir ki, bu sözləri İranın Gənclər və İdman naziri Məsud Sultanifər Tehranın “İstiqlal” və “Perspolis” klubları haqqında deyib. O, klubların borclarının 80 faizini ödədiyini bildirib:
“İqtisadiyyat naziri və vergi işləri üzrə məsullarla birlikdə son 15 ilin vergi məsələləri ilə bağlı cərimələri də yoluna qoyduq. Mən nazir vəzifəsinə seçiləndə klubların 100 və 70 milyard tümənlik vergi cərimələri ilə üzləşdim. Ötən il “İstiqlal” və “Perspolis”in fiziki şəxslərə olan 18 və 15 milyard tümən borcunu ödədik”.
Qeyd edək ki, İranda Tehran klublarına yardım edilsə də, Azərbaycan klubları, o cümlədən Təbrizin “Traktor” komandası nəinki dəstəklənmir, hətta təzyiqlərə məruz qalır.
Tarix
2018.08.14 / 17:52
|
Müəllif
Axar.az
|