Ana səhifə İdman |
2018.08.18 - 20:31
Bu gün Topaz Premyer Liqada ikinci tura start verilib.
Axar.az xəbər verir ki, turun açılış matçında "Səbail" son çempion "Qarabağ"ı qəbul edib. Birinci turda "Zirə" ilə görüşü təxirə salınan Ağdam klubu bu mövsüm Premyer Liqada ilk oyununu keçirib və 2:0 hesabı ilə qalib.
***
Avqustun 18-də Topaz Premyer Liqasının ikinci turunda növbəti oyun keçirilib.
Axar.az xəbər verir ki, günün ikinci matçında “Zirə” komandası “Azal Arena”da “Keşlə” klubunu qəbul edib. Baş hakim İnqilab Məmmədovun idarə etdiyi oyun 2:2 hesabı ilə başa çatıb. Baş məşqçi Ayxan Abbasovun futbolçuları mövsümə erkən vurulan qolla başlayıblar. Komandanın heyətində 2-ci dəqiqədə Mirsahib Abbasov hesabı açıb. Otuz altıncı dəqiqədə Pərdis Fərcad-Azad keçmiş komandasına qol vuraraq hesab arasındakı fərqi artırıb – 2:0.
Fasilədən sonra hücuma atılan “Keşlə” futbolçuları hesab arasındakı fərqi azaldıblar.
Əvvəlcə 53-cü dəqiqədə Slavik Alxasov fərqlənib. Oyuna əlavə olunmuş dəqiqələrdə isə Andre Klennon hesabı bərabərləşdirib. Beləliklə oyun 2:2 hesablı heç-heçə ilə yekunlaşıb.
Tarix
2018.08.19 / 01:04
|
Müəllif
Axar.az
|