Ana səhifə İdman |
İtaliya A Seriyasının dördüncü turunun növbəti oyunları keçirilib.
Axar.az xəbər verir ki, "Allianz" stadionunda keçirilən qarşılaşmada A Seriyasında hələ də məğlubiyyət bilməyən iki klub - "Yuventus" və "Sassuolo" üz-üzə gəlib. İlk üç oyununda qol vura bilməyən "Qoca sinyora"nın yeni transferi Kristiano Ronaldo "Sassuolo" ilə görüşdə iki qolla yadda qalıb. Birinci hissədə hər iki komandanın cəhdlərinə baxmayaraq, hesab dəyişməyib.
Fasilədən sonra matçın 50-ci və 65-ci dəqiqələrində Ronaldo iki dəfə fərqlənərək, "Yuventus" klubunu hesabda önə çıxarıb. Qonaqlar oyunun sonuna yaxın qollardan birinin əvəzini çıxıblar. Babakar adını tabloya yazdırıb. Beləliklə, Ronaldo "Yuventus" klubunun heyətində ilk rəsmi oyununda iki qol vuraraq turinlilərə qələbə qazandırıb.
Turun gözlənilməz hesabı isə Romada qeydə alınıb. "Roma" doğma meydanda 2:0 hesabı ilə irəlidə olsa da, "Kyevo" klubu oyunun sonlarına yaxın hesabı bərabərləşdirməyə nail olub.
Tarix
2018.09.16 / 20:03
|
Müəllif
Axar.az
|