Çox çətindir, bərabər şərtlərdə deyilik, hər kəs 25 oyunçu heyətə salarkən, biz 21 oyunçu sifariş edə bildik. Bütün bu çətinliklərə baxmayaraq, "niyə də olmasın?" deyirəm.

Axar.az xəbər verir ki, bunu Türkiyənin "Qalatasaray" futbol klubunun baş məşqçisi Fatih Terim ÇL-in qrup mərhələsində "Lokomotiv Moskva" ilə keçirəcəkləri oyunla bağlı danışarkən bildirib.

"Dünya böyüklüyündə bir xəyalım var. Reallaşar və ya reallaşmaz, amma daxilimdə həmişə "niyə də olmasın?" deyə öz-özümə soruşuram", - Terim qeyd edib.

O bildirib ki, qrupdakı rəqibləri öz liqalarında əldə etdikləri nailiyyətlərlə ÇL-in qrupuna düşüb: "Bu qrupda 1-ci də ola bilərik, 4-cü də. Bərabər şərtlərdə döyüşmürük. Allah izn verərsə, qrupdan çıxmaq üçün hər şeyi edəcəyik".

Qeyd edək ki, "Qalatasaray" D qrupunda "Şalke", "Lokomotiv" və "Porto" ilə mübarizə aparacaq.