Ana səhifə İdman |
Azərbaycan futbolu adına "Qarabağ"dan sonra daha bir qürurverici hadisə baş verib.
Axar.az xəbər verir ki, "Neftçi"nin və milli komandamızın qapıçısı Emil Balayevin uzun müddət davam edən danışıqlardan sonra Almaniyanın Bundesliqa klubu "Ayntraxt"a keçidi rəsmiləşib. Gənc qapıçı Bundesliqa kimi nüfuzlu çempionatda mübarizə aparan klubla müqavilə imzalayıb.
Almaniya təmsilçisinin heyətində baxışdan uğurla keçmiş Emil
Balayev adı çəkilən klubun şərəfini qoruyacaq.
Gənc qapıçı dekabrın 14-ü "Neftçi" – "Sumqayıt" oyunundan əvvəl
mətbuat nümayəndələrinin Bundesliqa klubuna keçidi ilə bağlı
suallarını cavablandıracaq. Emil Balayevin keçidi ilə bağlı mətbuat
konfransı 8-ci km qəsəbə stadionunun mətbuat zalında təşkil
olunacaq və saat 15:30-da başlayacaq.
Bəs kimdir Balayev?
Gənc futbolçu 1994-cü il təvəllüdlüdür. 20 yaşlı oyunçu "Neftçi", "Sumqayıt"da oynayıb, sonra fəaliyyətini dayandıran "Araz-Naxçıvan"a kirayəyə verilib. Qeyd edək ki, "Ayntraxt" klubunun baş məşqçisi Tomas Şaaf onun barəsində bu fikirləri açıqlamışdı: "Emil Balayev gənc qapıçıdır. O, həm də maraqlı insandır".
Tarix
2014.12.14 / 02:15
|
Müəllif
Emin Aslanlı
|