Ana səhifə İdman |
Kikboksçularımızın beynəlxalq arenada uğurlu nailiyyətləri Azərbaycanda qeyri-olimpiya idman növlərinin inkişafından xəbər verir.
Axar.az xəbər verir ki, bu sözləri Azərbaycan Kikboksinq Federasiyasının prezidenti, millət vəkili Adil Əliyev Serbiyanın Belqrad şəhərində kikboksinqin WAKO-versiyası üzrə Dünya Çempionatında uğur qazanan idmançılarla görüşü zamanı bildirib:
"Azərbaycanda dövlət tərəfindən idmanın inkişafı üçün hər çür imkan və şəriat yaradılıb. Bütün maddi-texniki baza gənclərin istifadəsinə verilib. Gənclər bundan səmərəli yararlanmalıdır. Bunun üçün çox çalışmaq lazımdır".
Adil Əliyev son vaxtlar kikboksçuların beynəlxalq arenada uğurlarından da söz açıb:
"Bu gün idmançılarımız beynəlxalq yarışlarda uğurlu qələbələ qazanmaqla, digər gənc və yeniyetmə kikboksçularımıza stimul verirlər. Bu isə sağlam və güclü nəsilin yetişməsinə böyük təsir göstərir. Azərbaycana həm fikizi, həm də intellektual cəhətdən fayda verəcək nəsil lazımdır.
Serbiyanın Belqrad şəhərində uğur qazanan idmançılarımızı ürəkdən təbrik edirəm".
Medal qazanmış idmançılarımız bunlardır:
Elşad Ələsgərov- (54 kq, "K-1") - 1-ci yer
Ehram Məcidov (+94 kq, "kiklayt") - 2-ci yer
Ramal Aslanov – (61 kq, "loukik") - 2-ci yer
Anar Məmmədov – (91 kq, "K-1") - 2-ci yer
Ramiz Məmmədov – (54 kq, "loukik") -3-cü yer
Çingiz Əhmədzadə- (51 kq, "K-1") - 3-cü yer
Zöhrab Əzimov - (60 kq, "loukik") - 3-cü yer
Qeyd edək ki, Elşad Ələsgərov kikboks üzrə 2 qat dünya çempionu Elnur Əliyevin tələbəsidir. Elşad Ələsgərov bu il martın 14-də Rusiyanın Sankt-Peterburq şəhərində keçirilən Heydər Əliyev kuboku uğrunda turnirdə erməni əsilli rusiyalı kikboksçu Armen Arutunovu məğlub etmişdi.
Tarix
2015.11.03 / 13:33
|
Müəllif
Kamilə Cavadzadə
|