Çinin idxal faktoru artıq neft qiymətlərinin formalaşmasına təsir etmir.

Axar.az xəbər verir ki, bu barədə Neft Araşdırmalar Mərkəzinin rəhbəri İlham Şaban yazıb.

Ekspert bildirib ki, 2016-cı ilin nəticələrinə görə, Çin xam neft idxalını 59 milyon ton artırıb, neft məhsullarını isə 1,8 milyon ton azaldıb:

“Buna baxmayaraq dünyada neftin qiyməti 19 faiz aşağı düşüb. Yəni artıq bazarda qiymətin formalaşmasında Çin faktorunun “tələb-təklif” məsələsi arxa plana keçib. 2016-cı ildə Çinin ixracı 2,09 trilyon dollar (-7,7%), idxalı isə 1,58 trilyon dollar (-5,5%) təşkil edib”.

Ekspert qeyd edib ki, son 2 ildə Çinin ticarət dövriyyəsi stabil olaraq təqribən illik 7% azalmaqda davam edir.