Ana səhifə İqtisadiyyat |
İqtisadi böhran rusların 78%-nə təsir edib.
Axar.az xəbər verir ki, bu nəticə Rusiya prezidenti yanında Rusiya Xalq Təsərrüfatı və Dövlət Xidməti Akademiyasının apardığı tədqiqatdan sonra ortaya çıxıb.
Akademiyanın keçirdiyi sorğuda iştirak edənlərin 53%-i ölkədəki iqtisadi vəziyyətin pisləşdiyini bildirib. Rusların 46,7%-i isə ölkədəki iqtisadi vəziyyətin bundan sonra daha da pisləşəcəyini gözləyirlər. Bu sahədə olan optimistlərin sayı 23%-dən 10,1%-ə qədər düşüb. Üstəlik, kasıb təbəqə sırasında ölkədəki vəziyyətin tez bir zamanda düzələcəyinə inananların sayı 14,4%-dən 2,8%-ə qədər azalıb.
51,9% rus artıq ərzağa qənaət etməli olduğunu açıqlayıb. 36,4% şəxs isə geyim, 25,9% isə dərmanlarla bağlı qənaət rejiminə keçdiyini bildirib. Əyləncəyə pul xərcləməkdən imtina edənlərin sayı 51%-dən 57,5%-ə qədər artıb. Ödənişli təhsil üçün pul xərcləməkdən yayınanların həcmi də 1,5 dəfə artıb. Onlar əhalinin 36,2%-ni təşkil ediblər.
Tarix
2017.01.31 / 11:58
|
Müəllif
İlkin Həsənov
|