Ana səhifə İqtisadiyyat |
Turizmin müxtəlif növləri inkişaf etməsi nəticəsində Azərbaycana gələn əcnəbilərin sayında və uyğun olaraq onların nağdsız ödənişlərinin həcmində artım müşahidə olunub.
Axar.az xəbər verir ki, bu barədə Mərkəzi Bankın hesabatında bildirilib.
Məlumata görə, 2017-ci ilin ilk altı ayı ərzində Azərbaycana gələn xarici vətəndaşların bank kartları üzrə əməliyyatları ötən ilin müvafiq dövrü ilə müqayisədə 93% artaraq 507 450 635 manat təşkil edib.
Ötən ilin birinci yarısında isə xarici vətəndaşların bank kartları üzrə əməliyyatları 263 427 544 manat, il ərzində isə 602 288 119 manat olmuşdu.
Qeyd edək ki, Dünya Səyahət və Turizm Şurası (WTTC) Azərbaycan üzrə 2016-cı ildə turizm xidmətlərinin ixracının ümumi dövriyyəsi 2, 8 milyard ABŞ dolları olduğunu bildirib.
Tarix
2017.08.01 / 14:53
|
Müəllif
Nərmin Əkbərli
|