Ana səhifə İqtisadiyyat |
“AMEC Foster Wheeler” şirkəti Azərbaycanda müxtəlif sahələrdə fəaliyyət göstərib və bu şirkətin Azərbaycan bazarından tam çıxması həqiqətə uyğun deyil.
Bu sözləri Axar.az-a SOCAR-ın sözçüsü İbrahim Əhmədov Böyük Britaniya şirkəti olan “AMEC Foster Wheelers”in Azərbaycanda fəaliyyətini dayandırması və bu şirkətin ölkəmizə vurduğu 350 milyon dollar ziyan barədə yayılan məlumatı şərh edərkən bildirib.
İ.Əhmədovun sözlərinə görə, bu məsələ birbaşa SOCAR-ın səlahiyyətində olmasa da, Neft Şirkəti daim bütün tərədaş şirkətlərinə əməliyyat xərclərinə qənaət etmək məqsədi ilə tövsiyyələr verir:
“Sırf BP şirkəti ilə “Amec Foster Wheeler” şirkəti arasında olan əməkdaşlıq planları barədə ən düzgün məlumatı BP şirkəti təqdim edə bilər. Bu məsələ birbaşa SOCAR-ın səlahiyyətində deyil. Lakin əməliyyat xərclərinə qənaət tövsiyyələrimiz olur. Bir çox hallarda, həmin şirkətlərə verdiyimiz məşvərət və dəstək nəticəsində, habelə onların konstruktiv mövqeyi sayəsində buna nail olunub. Azərbaycan tərəfi olaraq, SOCAR gələcəkdə də bütün tərəfdaşlarına ən səmərəli podratçı təkliflərinə üstünlük verməsinə təkid edəcək”.
Qeyd edək ki, Neftçilərin Hüquqlarını Müdafiə Təşkilatı İctimai Birliyinin sədri Mirvari Qəhrəmanlı Azərbaycanda reallaşan neft layihələrində BP tərəfdaşı kimi iştirak edən Böyük Britaniya şirkəti “AMEC Foster Wheelers” fəaliyyətini dayandırdığını bildirib. Onun sözlərinə görə, bu şirkət ölkəmizə 350 milyon dollar ziyan vurub və bu barədə açıqlama verməyib.
Tarix
2017.10.23 / 13:26
|
Müəllif
Nigar İxtiyarqızı
|