Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 İyul 2018


Dəmiryolu ilə yükdaşımaların həcmi niyə azdır?

Ana səhifə İqtisadiyyat
12 Punto 14 Punto 16 Punto 18 Punto

Azərbaycanda ixrac mallarının 5,9, idxal mallarının 20 faizi dəmiryol nəqliyyatı ilə daşınır. Təkcə bu ilin 8 ayında yalnız 1 milyard 60 milyon dollarlıq idxal malları dəmiryolu ilə gətirilib.

Bu sözləri Axar.az-a iqtisadçı ekspert Qubad İbadoğlu dəmiryolu vasitəsilə idxal və ixrac edilən yüklərin həcmi və gəlirləri barədə danışarkən deyib.

Ekspert bildirib ki, yanvar-avqust aylarında Azərbaycan dünyanın 180 ölkəsindəki tərəfdaşları ilə ticarət əməliyyatları həyata keçirib:

“Azərbaycandan 110 ölkəyə 8 ay ərzində məhsul ixrac olunub, 173 ölkədən də idxal edilib. Bu dövr ərzində xarici ölkələrlə 12,5 milyard dollar məbləğində, o cümlədən 7,2 milyard dollarlıq ixrac və 5,3 milyard dollarlıq idxal əməliyyatı aparılıb. İdxal mallarının 20 faizi dəmiryolu vasitəsilə həyata keçirilib.

Bu o deməkdir ki, bu ilin 8 ayında yalnız 1 milyard 60 milyon dollarlıq idxal malları dəmiryolu ilə gətirilib”.

Q.İbadoğlu bildirib ki, idxal və ixrac əməliyyatlarında dəmiryolu ilə daşınmanın payının az olması xarici ticarətdə məhsulların struktur göstəriciləri ilə bağlıdır:

“Azərbaycanın ixrac məhsulunun əsasən xam neftdən ibarət olması və onun da boru kəmərləri vasitəsilə nəql edilməsi, idxal mallarının isə ölkəyə əsasən Rusiya və Türkiyədən avtomobil nəqliyyatı vasitəsilə daşınması dəmiryol nəqliyyatının rolunu xeyli aşağı salıb. BTQ dəmiryol xəttinin işə düşdüyünü nəzərə alaraq, daşınmaların strukturunda dəmiryol nəqliyyatının xeyrinə dəyişiklik edilməsi üçün bu sektorda daşınma xidmətləri, tarifləri və standartları beynəlxalq tələblərə uyğunlaşdırılmalıdır. Dəmiryol nəqliyyatının texniki təchizatı və orta sürət göstəriciləri yaxşılaşdırılmalıdır. Amma yenə də idxal və ixrac mallarının quruluşundan və onun xüsusiyyətindən asılıdır. Əsasən neft və qaz ixrac edən ölkə üçün daşınmalarda yenə də əhəmiyyətli mövqe boru kəmərlərinə məxsus olacaq”.

Tarix
2017.11.14 / 01:40
Müəllif
Nigar İxtiyarqızı
Şərhlər
Загрузка...
Digər xəbərlər

Bitkoinlə bağlı gözlənilməz proqnoz

Türkiyəli iş adamı: Azərbaycan 13 milyard...

Dünya birjalarında neftin qiyməti

Dolların bugünkü məzənnəsi

Neft bahalaşdı

İtaliyadan ölkəmizə 530 milyon dollar investisiya...

Tiflisdə möhtəşəm konfrans: Xəzər-Qara dəniz...

Üç valyutanı birləşdirdik!

Mərkəzi Bank yeni məzənnəni açıqladı

Dünya birjalarında neftin qiyməti

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla