Ana səhifə İqtisadiyyat |
Dünya əhalisinin ümumi rifah göstəricisi 2016-cı ilin ortalarından 2017-ci ilin ortalarına qədər dönəmdə 6,4% artıb və 280 trilyon dollara çatıb.
Axar.az xəbər verir ki, bu barədə informasiya İsveçrənin “Kredit Suisse” bankının illik hesabatında yer alıb. Hesabata əsasən, artım tempi son 5 ildə maksimal həddə çatıb. Belə ki, rifah göstəricisinin artımı əhali sayının artımından daha sürətli olub.
Bank hazırda dünya sərvətinin yarısının 1% şəxsin əlində cəmləşdiyini bildirib. 2008-ci ildə əldə edilən rekord göstəricidən (42,5%) fərqli olaraq, hazırda dünya sərvətinin 50,1%-lik hissəsi məhz bu şəxslərə məxsusdur.
Son 1 il ərzində dünyada 2,3 milyon yeni milyonçu qeydə alınıb. Dünyadakı ümumi milyonçuların sayı isə 36 milyon nəfər olub.
Bank həmçinin 2022-ci ildə dünya əhalisinin rifah göstəricisinin 341 trilyon dollara çatacağını bəyan edib. Milyonçuların sayı da 20% artaraq 44 milyon nəfər çatacaq. Yoxsul əhalinin sayı isə 4% azalacaq.
Tarix
2017.11.15 / 14:40
|
Müəllif
İlkin Həsənov
|