Ana səhifə İqtisadiyyat |
2018-ci ildə Ermənistan dövlət büdcəsindəki defisit 156,9 milyard dram olacaq.
Axar.az xəbər verir ki, bu, keçən ilin dövlət büdcəsi üçün nəzərdə tutulan kəsrdən 3,8% çoxdur. Gələn il dövlət büdcəsinin ümumi gəliri 1,307 trilyon dram, xərcləri isə 1,464 trilyon dram təşkil edəcək. Bu isə keçən ilin göstəricilərindən 7,7% artıqdır.
2018-ci ildə Ermənistanın dövlət borcu 7 milyard dollara çatacaq. Bu göstərici reallaşacağı halda ölkənin ümumi daxili məhsulunun 60%-ni təşkil edəcək.
Qeyd edək ki, bu ilin yanvar-sentyabr ayları ərzində Ermənistanın dövlət büdcəsində kəsir 92,8 milyard dram olub. İlk 9 ay ərzində ölkə büdcəsinin gəlirləri 888,4 milyard dram, xərcləri isə 981,2 milyard dram təşkil edib.
Üstəlik, Ermənistanın ümumi borcu yanvar-sentyabr ayları ərzində 6,8% artaraq, 6,3 milyard dollara çatıb. Ölkənin daxili borcu 9% artaraq 1,2 milyardı keçib. Xarici borc isə 11,6% artaraq 5 milyard dolları ötüb.
Tarix
2017.11.20 / 11:18
|
Müəllif
İlkin Həsənov
|