Ana səhifə İqtisadiyyat |
Avropa Birliyi ilə iqtisadi assosiasiyanın postsovet ölkələrinin iqtisadiyyatını çökdürə biləcəyi barədə fikirlər geniş yayılıb.
Məsələ ilə bağlı Axar.az-a açıqlama verən keçmiş maliyyə naziri, iqtisadçı professor Fikrət Yusifov isə bildirib ki, hər hansı bir ittifaqa üzv olmaqda istənilən ölkənin həm siyasi, həm də iqtisadi maraqları olur:
“Bu sözlər eynilə Azərbaycana da aiddir. Azərbaycanın bu gün bəzi birliklərə üzv olması ətrafında müzakirələr gedir. Bəzi hallarda bu birliklərə üzv olmaqla bağlı bizə qarşı müxtəlif üsullarla təzyiqlər göstərməkdən çəkinməyən tərəflər də mövcuddur. Lakin belə məsələlərin həllində Azərbaycan dövlətinin öz maraqları var. Bu həm siyasi, həm də iqtisadi maraqlardır”.
F.Yusifov qeyd edib ki, hər hansı ittifaqa üzvlük iqtisadi-siyasi dvidentlər əldə ediləcəyi halda mümkündür:
“Azərbaycan hər hansı ittifaqa üzv olmaq məsələsini müzakirə edərkən, hər şeydən öncə ortaya torpaqlarının işğalı ilə bağlı sualları qoyur. Təbi ki, bunun alternativi də ola bilməz. İllərlədir ikili standartların qurbanı olan ərazi bütövlüyümüz heç bir iqtisadi maraqlarla əvəzlənə bilməz. Bu səbəbdən də üzvülük məsələlərində Azərbaycanın tələsməməsi çox doğru seçimdir”.
Tarix
2017.12.09 / 08:45
|
Müəllif
Firuzə
|