Dünyadakı bütün kriptovalyutaların kapitallaşması 510,7 milyard dollara çatıb.

Axar.az xəbər verir ki, bu barədə məlumatı “Coinmarketcap” saytı yayıb. Sayt ənənəvi olaraq dünyada bitkoinin kapitallaşmasının bütün kriptovalyutalardan yüksək olduğunu bildirib. Belə ki, bitkoinin kapitallaşması 275,6 milyard dollar təşkil edib. Bu isə bütün kriptovalyutaların kapitallaşmasının 50%-ni təşkil edib. Ondan sonrakı yerləri ethereum (71,1 milyard), bitkoin keş (32,4 milyard), ripl (22,5 milyard) kriptovalyutaları tutub.

Qeyd edək ki, bu ilin avqustunda kriptovalyutaların kapitallaşması 150 milyard dollar təşkil edirdi.