Ana səhifə İqtisadiyyat |
Türkmənistanın Cənub Qaz Dəhlizinin Məsləhət Şurasında iştirakı bu layihənin reallaşdırılmasında yeni perspektivli addımdır.
Axar.az xəbər verir ki, bunu “Haqqin.az”a açıqlamasında amerikalı analitik Vladimir Sokor söyləyib.
“Türkmənistan regionda yeganə ölkədir ki, Cənub Qaz Dəhlizinə qaz tədarük etmək üçün real resurslara sahibdir. Məsələ ondadır ki, Qazaxıstanın qaz imkanları məhduddur. Üstəlik, Astana “Qazprom”la uzunmüddətli müqavilə imzalayıb və Orenburqdakı zavoda hər il 10 milyard kub metr qaz göndərir. Özbəkistanın da imkanları var, amma onun qazı güclü şəkildə kimyəvi çirklənməyə məruz qalıb. Bu tip qazın TANAP-a girişinə izn verilməsi Azərbaycanın “Şahdəniz” yatağından hasil etdiyi qazın keyfiyyətinin aşağı düşməsinə səbəb olacaq. Daşkənd hələ İslam Kərimovun dövründən bu yana böyük qaz-kimyəvi kompleks tikmək ambisiyalarına sahib idi, amma bunları reallaşdıra bilməyib. Nəticədə bölgədəki ölkələrdən yalnız Türkmənistanın resursları və siyasi istəyi var ki, bu layihəyə qoşulsun”, – deyə o bildirib.
Tarix
2018.02.17 / 11:07
|
Müəllif
İlkin Həsənov
|