ATV kanalının aparıcısı Aytən Səfərova “Hunday” markalı yük maşınının vurması nəticəsində xəsarət alan Aygün Əliyeva və onun iki övladı üçün hüquq-mühafizə və səhiyyə orqanlarına müraciət edib.

Axar.az xəbər verir ki, Aytən Səfərova Aytən Əliyevaya və onun ailəsinə kömək edilməsi üçün həmin orqanlardan yardım istəyib.

O bildirib ki, ailəsinin maddi durumu o qədər də yaxşı olmayan Aygün Əliyeva iki balası ilə birlikdə ağır vəziyyətdə xəstəxanadadır:

“Ana və iki azyaşlı məktəbli övladını amansızcasına vurub hadisə yerindən qaçmış sürücünün tapılıb cinayət məsuliyyətinə cəlb edilməsini, habelə Aytən Əliyevanın və övladlarının müalicə xərclərinin ödənilməsini xahiş edirik”.

Qeyd edək ki, bir müddət əvvəl Xətai rayonu, “Nargilə” kafesi yaxınlığında Azər Kərimov adlı sürücü idarə etdiyi “Hunday” markalı yük maşını ilə idarəetməni itirib. O, 1984-cü il təvəllüdlü Aygün Əliyevanı, onun övladları – 2012-ci il təvəllüdlü Rəna Əliyeva və 2008-ci il təvəllüdlü Almaz Əliyevanı vuraraq, hadisə yerindən qaçıb.