Ana səhifə İqtisadiyyat |
ABŞ-ın tətbiq etdiyi yeni sanksiyalar rusiyalı iş adamlarını öz aktivlərini təcili şəkildə yerli banklara köçürməyə məcbur edir.
Axar.az xəbər verir ki, bu barədə “Blumberq” yazıb.
Məlumata görə, bu proses milyarderlər Oleq Deripaska və Viktor Vekselberqin sərt sanksiyalardan qısa zaman ərzində milyardlarla dollar itirməsindən sonra başlayıb.
“Bu hadisə göstərdi ki, beynəlxalq biznes bir anın içində diz çökdürülə bilər. Bu, sözün əsl mənasında bir çox maqnatın gözünü açdı”, - “BCS Global Markets”in eksperti Vyaçeslav Smolyanin deyib.
Nəşrə görə, hazırda Rusiyaya qayıdan vəsaitlərin həcmini təyin etmək çox çətindir. Belə ki, bir qədər əvvəl “Sberbank” korporativ depozitlərin həcminin yanvar-avqust periodunda 98 milyard dollara çatdığını açıqlayıb. Bu isə kapitalın geri qayıtması anlamına gəlib.
Bir çox rus milyarder ticarət hesablaşmalarında dollardan imtina edərək, daha əlverişli valyuta axtarışına başlayıb.
Tarix
2018.09.23 / 11:32
|
Müəllif
Orxan Tağıyev
|