İngiltərənin "Maqnetik" şirkəti Bakıda təmsilçilik açmaq niyyətindədir.

Bu barədə AzərTAc-a şirkətin direktoru Kaan Aydoğmuş məlumat verib.

Bakı Expo Mərkəzində keçirilən "Bakutel-2014" sərgisində müştərilərə geniş çeşidli xidmətlər təklif edən şirkətin baş ofisi Londonda yerləşir. Şirkət əsasən reklam işləri, kataloq, broşür, jurnal və vizit kartlarının çapı ilə məşğuldur.

""Maqnetik" rəqəmsal dünyanı real dünya ilə bir araya gətirəcək ən müasir texnologiyalardan bəhrələnir. Bu baxımdan cəlbedici dizayn fəaliyyətimizin əsas istiqamətlərindəndir", - deyən K.Aydoğmuş vurğulayıb ki, şirkətdə qabaqcıl texnologiyalara əsaslanan innovasiyalar tətbiq edilir.