Ana səhifə İqtisadiyyat |
Rusiyanın "Lukoyl" şirkəti Norveçin kontinental şelfindəki yataqların işlənməsi hüququna mailk olmaq üçün 23-cü lisenziya raundunda fəal iştirak etmək niyyətindədir.
Axar.az RİA Novosti-yə istinadla bildirir ki, bu barədə "Lukoyl Overseas North Shelf" AS-ın baş direktoru Leonid Surquçev məlumat verib.
"Biz həmçinin uzaq iştirakçı kimi üçölçülü seysmik konsorsiuma da qatılmışıq. Bu konsorsiuma Barens dənizinin üç zonası üzrə 33 şirkət qoşulub və biz Barens dənizinin mərkəzi hissəsinin detallı regional tədqiqi ilə məşğul oluruq... Hər bir şirkət öz rayonuna cavabdehdir. Hazırda biz bu seysmikin interpretasiyasına başlamışıq", - seyə Surquçev bildirib.
Onun sözləriə görə, şirkət bu ilin sonuna gözlənilən 23-cü lisenziya raundunun və sərgiyə çıxarılacaq blokların siyahısının rəsmi elan edilməsini gözləyir. "Əsas fokus – Barens dənizidir. Biz bu raundda fəal iştirak etməyi planlaşdırırırq", - Surquçev Norveç-Rusiya biznes forumunda çıxış edərkən deyib.
Xatırladaq ki, "Lukoyl" 2013-cü ilin iyununda Norveç Neft və Energetika Nazirliyinin keçirdiyi 22-ci lisenziya raundunun nəticələrinə əsasən, Barens dənizinin Norveç sektorunda iki layihənin iştirakçısı olub.
Tarix
2014.12.11 / 18:38
|
Müəllif
Təhminə C.B.
|