ARDNŞ (Azərbaycan Respublikası Dövlət Neft Şirkəti) "Azneftyağ" neft emalı zavodunun ləğv olunduğunu və onun Heydər Əliyev adına Bakı Neft Emalı zavodu ilə birləşdirildiyini elan edib.

Trend xəbər verir ki, bu barədə ARDNŞ-nin kadr, rejim və informasiya texnologiyaları üzrə vitse-prezidenti Xaliq Məmmədov mətbuat konfransında deyib.

Qeyd edək ki, bir neçə gün öncə Neftçilərin Hüquqlarının Müdafiəsi Təşkilatının sədri Mirvari Qəhrəmanlı 2015-ci ilin yanvarından Azərbaycan Respublikası Dövlət Neft Şirkətinin (ARDNŞ) "Azərneftyağ" Neft Emalı Zavodunun istismarının dayandırılacağı ilə bağlı məlumat vermişdi.

Mirvari Qəhrəmanlı zavodun 2300 nəfərə yaxın işçisinin müəyyən hissəsinin ixtisar olunacağını, bəzi mütəxəssislərin isə Heydər Əliyev adına Bakı Neft Emalı Zavodunda işlə təmin olunacağını bildirmişdi.