Slans nefti qara qızılın ixrac axınlarını və dünya hasilatının strukturunu dəyişir.

Axar.az xəbər verir ki, bunu jurnalistlərə açıqlamasında "Rosneft"in rəhbəri İqor Seçin söyləyib. Onun sözlərinə görə, neftin qiymətini artıq ABŞ bazarı tənzimləyir:

"Bazardakı dəyişikliklər təkcə slans neftinin hasilatının qəfildən artması ilə əlaqədar deyil. Bu həm də ona görə baş verdi ki, məhz ABŞ neft bazarının rəqabətli inkişafının formalaşdırılması üçün bütün faktorlara malikdir. Bura həm maliyyə mənbələri, həm maliyyə törəmələri, həm neft-qaz kəmərlərinin inkişaf sistemi, həm də bütün sənayeyə təsir effektinə sahib olacaq böyük şirkətlər aiddir. Yaxın gələcəkdə neft bazarındakı tendensiyalar əsasən ABŞ bazarı tərəfindən müəyyənləşdiriləcək".