Ana səhifə İqtisadiyyat |
Artıq Azərbaycanda fəaliyyət göstərən banklar tərəfindən
valyuta mübadilə əməliyyatları qanunvericiliyə uyğun olaraq
bankların baş ofisində, filial və şöbələrində (o cümlədən mübadilə
şöbələrində), eləcə də ödəniş terminallarında həyata
keçirilir.
Azərbaycan Mərkəzi Bankından (AMB) APA-ya verilən məlumata görə, bu proses AMB-nin
İdarə Heyətinin təsdiqlədiyi "Mübadilə şöbələrinin təşkili və
mübadilə əməliyyatlarının aparılması Qaydaları" ilə
tənzimlənir:
"Son zamanlar valyuta mübadilə əməliyyatların həcminin artması
ilə əlaqədar kommersiya bankları tərəfindən əməliyyatlarını daha
səmərəli və çevik tənzimlənməsi, əməliyyatlara nəzarət prosedurunun
gücləndirilməsi məqsədilə, eləcə də xidmət şəbəkələrinin və
əməliyyat xərclərinin optimallaşdırılması istiqamətində aparılan
işlərin davamı olaraq valyuta mübadiləsi əməliyyatlarının mübadilə
şöbələrində həyata keçirilməsi məhdudlaşdırılmış, mübadilə
şöbələrinin fəaliyyətinə əsasən xitam verilmişdir. Yalnız turizm
xidməti göstərən obyektlərdə (xüsusilə mehmanxana və hava
limanında) operativ valyuta mübadilə ehtiyaclarının qarşılanması
məqsədilə bankların valyuta mübadilə şöbələrinin fəaliyyəti davam
etdirilir. Məlumat üçün bildiririk ki, hazırda əhalinin, o cümlədən
sahibkarların bank xidmətlərinə çıxışının təmin edilməsi məqsədilə
banklar kifayət qədər geniş xidmət infrastrukturuna malikdirlər.
Bankların 914 filial və şöbəsi fəaliyyət göstərir ki, bunların da
458-i regionlarda yerləşir".
Beləliklə, bundan sonra valyuta mübadilələri yalnız bankların
filial və şöbələrindən aparılacaq. Yalnız mehmanxana və hava
limanları istisnadır.
Bu qərarın valyuta bazarındakı vəziyyətə nə cür təsir edəcəyi ilə
bağlı proqnoz vermək çətindir. Yaxın günlər ərzində bazarda
ajiotajı yaradan əsasən bankların valyuta təminatı ilə bağlı olan
problem idi. Lakin ötən gün Azərbaycan Respublikası Dövlət Neft
Fondu (ARDNF) cari ildə valyuta satışını bərpa etdiyini bəyan
edib.
Fondun açıqlamasında bildirilir ki, yanvarın 13-də yeni mexanizmlə
- Mərkəzi Bankın müntəzəm hərracları vasitəsilə ilk hərrac təşkil
edilib: "Bununla da ölkədəki bütün banklar hərracda iştirak etmək
imkanı əldə edib. 200 milyon ABŞ dolları məbləğində vəsait hərraca
çıxarılıb və 32 banka satılıb".
Fonddan o da bildirilib ki, il ərzində ARDNF tərəfindən hərraclar
vasitəsilə valyuta satışı davam etdiriləcək.
Görünən budur ki, bankların valyuta ilə təminatında heç bir problem
yoxdur. Bu səbəbdən "APA-Economics" banklarda valyuta mübadiləsinin
aparılıb-aparılmadığını araşdırıb.
Öncədən qeyd edək ki, AMB-nin bu günə açıqladığı rəsmi məzənnələr
bülleteninə əsasən, 1 dollar 1,5706 manata, 1 avro isə 1,7106
manatdır. Beləliklə, 1 dollar müştəridən minimum 1,5078 manata
alına, ona 1,6334 manata satıla bilər. Bundan başqa, avro minimum
1,6422 manata alına, 1,7790 manata satıla bilər.
Xarici valyutanın alqı-satqısı həyata keçirən və keçirməyən
bankların siyahısını sizə təqdim edirik (12:00-a olan məlumata
əsasən):
BANKIN ADI |
ALIŞ |
SATIŞ |
AccessBank |
+ |
+ |
AFB Bank |
+ |
- |
AGBank |
- |
- |
Amrahbank |
- |
- |
ASB Bank |
- |
- |
AtraBank |
- |
- |
AtaBank |
- |
- |
Azər Türk Bank |
+ |
+ |
Bank Avrasiya |
- |
- |
Bank BTB |
+ |
- |
Bank Melli İran Baku |
- |
- |
Bank of Azerbaijan |
- |
- |
Bank of Baku |
- |
- |
Bank Respublika |
- |
- |
Silk Way Bank |
+ |
- |
Bank Standard |
+ |
- |
Bank VTB (Azərbaycan) |
+ |
- |
Texnikabank |
- |
- |
Qafqaz İnkişaf Bankı |
+ |
- |
Deka Bank |
+ |
- |
Expressbank |
- |
- |
Gəncəbank |
- |
- |
Dəmirbank |
+ |
+ |
Günay Bank |
+ |
- |
Azərbaycan Beynəlxalq Bankı |
+ |
- |
Zaminbank |
+ |
- |
YapıKredi Bank Azərbaycan |
+ |
+ |
Xalq Bank |
+ |
- |
United Credit Bank |
- |
- |
Unibank |
+ |
- |
TuranBank |
- |
+ |
RabitəBank |
+ |
- |
PAŞA Bank |
+ |
Yalnız müştərilərə |
Parabank |
+ |
- |
Nikoil Bank |
+ |
- |
NBP |
- |
- |
NBC Bank |
+ |
- |
NaxçıvanBank |
- |
- |
Muğanbank |
+ |
- |
Kredo Bank |
+ |
- |
Kapital Bank |
+ |
- |
Ziraat Bank Azərbaycan |
- |
- |
Caspian Development Bank |
- |
- |
Tarix
2016.01.14 / 14:00
|
Müəllif
Axar.az
|